ഹിജ്റ വർഷാരംഭം മുഹർറം കൊണ്ടാക്കിയതിന്റെ പശ്ചാത്തലം
ഹാഫിള് ഇബ്നു ഹജർ അൽ-അസ്ഖലാനി (റഹീമഹുല്ലാഹ്) തന്റെ ‘ഫത്ഹുൽ ബാരി’യിൽ പറയുന്നു: "ചില പണ്ഡിതന്മാർ ചരിത്രരചന ഹിജ്റ കൊണ്ട് ആരംഭിച്ചതിന്റെ അനുയോജ്യതയെക്കുറിച്ച് വിശദീകരിച്ചിട്ടുണ്ട്. പ്രവാചകൻ صلى الله عليه وسلم യുമാമായി ബന്ധപ്പെട്ട് ചരിത്രത്തിന് തുടക്കമിടാൻ സാധ്യമായിരുന്ന പ്രധാന സംഭവങ്ങൾ നാലായിരുന്നു: പ്രവാചകൻ صلى الله عليه وسلم യുടെ ജനനം, പ്രവാചകത്വ ലബ്ധി (മബ്അഥ്), ഹിജ്റ (പാലായനം), വഫാത്ത് (വിയോഗം).
ഹിജ്റ വർഷാരംഭം മുഹർറം കൊണ്ടാക്കിയതിന്റെ പശ്ചാത്തലം
ഹാഫിള് ഇബ്നു ഹജർ അൽ-അസ്ഖലാനി (റഹീമഹുല്ലാഹ്) തന്റെ ‘ഫത്ഹുൽ ബാരി’യിൽ പറയുന്നു: "ചില പണ്ഡിതന്മാർ ചരിത്രരചന ഹിജ്റ കൊണ്ട് ആരംഭിച്ചതിന്റെ അനുയോജ്യതയെക്കുറിച്ച് വിശദീകരിച്ചിട്ടുണ്ട്. പ്രവാചകൻ صلى الله عليه وسلم യുമാമായി ബന്ധപ്പെട്ട് ചരിത്രത്തിന് തുടക്കമിടാൻ സാധ്യമായിരുന്ന പ്രധാന സംഭവങ്ങൾ നാലായിരുന്നു: പ്രവാചകൻ صلى الله عليه وسلم യുടെ ജനനം, പ്രവാചകത്വ ലബ്ധി (മബ്അഥ്), ഹിജ്റ (പാലായനം), വഫാത്ത് (വിയോഗം).
എന്നാൽ ജനിച്ച വർഷം, പ്രവാചകത്വം ലഭിച്ച വർഷം എന്നിവ കൃത്യമായി നിർണ്ണയിക്കുന്നതിൽ അഭിപ്രായവ്യത്യാസങ്ങൾ ഉള്ളതുകൊണ്ട് അവർ അത് ഒഴിവാക്കി. വഫാത്തിന്റെ സമയമാകട്ടെ, അത് ഓർക്കുന്നത് വിശ്വാസികളിൽ വലിയ സങ്കടവും പ്രയാസവും ഉണ്ടാക്കും എന്നതിനാൽ പണ്ഡിതന്മാർ അതിൽ നിന്നും പിന്മാറി. അങ്ങനെയാണ് ഹിജ്റയെ അടിസ്ഥാനമാക്കി വർഷം കണക്കാക്കാൻ തീരുമാനിച്ചത്.
ഇനി, ഹിജ്റ നടന്നത് റബീഉൽ അവ്വൽ മാസത്തിലായിട്ടും ചരിത്രവർഷത്തിന്റെ തുടക്കം മുഹർറം മാസത്തിൽ നിന്നാക്കാൻ കാരണം: ഹിജ്റ പോകാനുള്ള ഉറച്ച തീരുമാനം (അസ്മ്) ഉണ്ടായത് മുഹർറം മാസത്തിലാണ്. കാരണം, ഹിജ്റയ്ക്ക് മുന്നോടിയായി നടന്ന അഖബ ഉടമ്പടി (ബൈഅത്ത്) നടന്നത് ദുൽഹിജ്ജ മാസത്തിന്റെ പകുതിയോടെയായിരുന്നു. ഈ ഉടമ്പടിക്കും ഹിജ്റ പോകാനുള്ള തീരുമാനത്തിനും ശേഷം ആദ്യമായി ഉദിച്ചുയർന്ന അമ്പിളിപ്പൂവ് മുഹർറത്തിലേതായിരുന്നു. അതിനാൽ വർഷത്തിന്റെ തുടക്കമായി അതിനെ നിശ്ചയിക്കുന്നത് ഏറ്റവും അനുയോജ്യമായി തോന്നി. മുഹർറം കൊണ്ട് വർഷം ആരംഭിച്ചതിന്റെ പശ്ചാത്തലത്തെക്കുറിച്ച് ശക്തമായ ന്യായീകരണം ഇതാണ്."
ഉമർ (റളിയല്ലാഹു അൻഹു) ചരിത്രരേഖ ഉണ്ടാക്കാനുണ്ടായ കാരണം
ഉമർ ബ്നുൽ ഖത്താബ് (റളിയല്ലാഹു അൻഹു) ഇസ്ലാമിക കലണ്ടർ നിർമ്മിക്കാനുണ്ടായ കാരണമായി പല കാര്യങ്ങളും ഉദ്ധരിക്കപ്പെട്ടിട്ടുണ്ട്. അതിലൊന്ന് ഇതാണ്: അബൂ മൂസൽ അശ്അരി (റളിയല്ലാഹു അൻഹു) ഉമർ (റളിയല്ലാഹു അൻഹു) വിന് ഒരു കത്തെഴുതി: "താങ്കളിൽ നിന്ന് ഞങ്ങൾക്ക് കത്തുകൾ വരുന്നുണ്ട്, എന്നാൽ അതിലൊന്നും തീയതിയോ വർഷമോ രേഖപ്പെടുത്തിയിട്ടില്ല."
ഇതേത്തുടർന്ന് ഉമർ (റളിയല്ലാഹു അൻഹു) സ്വഹാബികളെ ഒരുമിച്ചുകൂട്ടി കൂടിയാലോചന നടത്തി. ചിലർ പറഞ്ഞു: "പ്രവാചകത്വ ലബ്ധി മുതൽ ചരിത്രം കണക്കാക്കാം." മറ്റു ചിലർ പറഞ്ഞു: "ഹിജ്റ മുതൽ കണക്കാക്കാം." അപ്പോൾ ഉമർ (റളിയല്ലാഹു അൻഹു) പറഞ്ഞു: "ഹിജ്റയാണ് സത്യവും അസത്യവും തമ്മിൽ വേർതിരിച്ചത്, അതിനാൽ നമുക്ക് ഹിജ്റ മുതൽ ചരിത്രം രേഖപ്പെടുത്താം." ഇത് ഹിജ്റ 17-ാം വർഷത്തിലായിരുന്നു.
ഹിജ്റ വർഷം കണക്കാക്കാൻ തീരുമാനിച്ചപ്പോൾ ചിലർ പറഞ്ഞു: "റമദാൻ മാസം കൊണ്ട് നമുക്ക് വർഷം ആരംഭിക്കാം." എന്നാൽ ഉമർ (റളിയല്ലാഹു അൻഹു) പറഞ്ഞു: "അല്ല, മുഹർറം കൊണ്ട് ആരംഭിക്കാം. കാരണം അത് ജനങ്ങൾ ഹജ്ജ് കഴിഞ്ഞ് മടങ്ങുന്ന മാസമാണ്." അങ്ങനെ എല്ലാവരും അതിൽ യോജിച്ചു. (യമനിലായിരുന്ന സമയത്ത് യഅ്ലാ ബ്നു ഉമയ്യയാണ് ആദ്യമായി തീയതി രേഖപ്പെടുത്തിയത് എന്നും ഒരഭിപ്രായമുണ്ട്. ഇമാം അഹ്മദ് ബ്നു ഹൻബൽ (റ)സ്വഹീഹായ പരമ്പരയോടെ ഇത് ഉദ്ധരിച്ചിട്ടുണ്ട്).
മുൻകാല സമുദായങ്ങളുടെ ചരിത്രഗണന (കലണ്ടർ രീതികൾ)
ഹാഫിള് സുയൂത്വി (റഹീമഹുല്ലാഹ്) തന്റെ ‘അദ്ദുർറുൽ മൻഥൂർ’ എന്ന ഗ്രന്ഥത്തിൽ രേഖപ്പെടുത്തുന്നു: സുഹ്രി, ശഅ്ബി എന്നിവരിൽ നിന്ന് ഉദ്ധരിക്കപ്പെടുന്നു: "ആദം നബി عليه السلام സ്വർഗ്ഗത്തിൽ നിന്നും ഭൂമിയിലേക്ക് ഇറക്കപ്പെടുകയും മക്കൾ വർദ്ധിക്കുകയും ചെയ്തപ്പോൾ, അദ്ദേഹത്തിന്റെ മക്കൾ ആദം നബിയുടെ ഭൂമിയിലേക്കുള്ള ആഗമനത്തെ അടിസ്ഥാനമാക്കിയാണ് ചരിത്രം കണക്കാക്കിയിരുന്നത്.
പിന്നീട് അല്ലാഹു നോഹ് നബി صلى الله عليه وسلم യെ നിയോഗിച്ചപ്പോൾ (അവിടുന്ന് അല്ലാഹുവിന്റെ ആരാധനയിലേക്കും ശിർക്ക് ഒഴിവാക്കാനുമായി കഫറുകളിലേക്ക് നിയോഗിക്കപ്പെട്ട ആദ്യ റസൂലാണ്), ജനങ്ങൾ നോഹ് നബിയുടെ നിയോഗം മുതൽ ചരിത്രം എണ്ണാൻ തുടങ്ങി.
പിന്നീട് പ്രളയം (തുഫാൻ) ഉണ്ടായപ്പോൾ, പ്രളയം മുതൽ ഇബ്രാഹീം നബി صلى الله عليه وسلم യെ കാഫിറുകൾ തീയിലിടുകയും അല്ലാഹു ആ തീയേയും വസ്ത്രങ്ങളെയും കരിക്കാതെ രക്ഷിക്കുകയും ചെയ്ത സംഭവം വരെ പ്രളയത്തെ അടിസ്ഥാനമാക്കി ചരിത്രം കണക്കാക്കി. പിന്നീട് ഇസ്ഹാഖ് നബിയുടെ പരമ്പരയിലുള്ളവർ ഇബ്രാഹീം നബിയുടെ തീ സംഭവത്തെ അടിസ്ഥാനമാക്കി ചരിത്രം എണ്ണി."
"(ഇസ്ഹാഖ് നബിയുടെ പരമ്പരയിലുള്ളവർ) ഇബ്രാഹീം നബിയുടെ തീ സംഭവത്തിൽ തുടങ്ങി യൂസുഫ് നബി صلى الله عليه وسلم യുടെ നിയോഗം വരെയും; യൂസുഫ് നബിയുടെ നിയോഗം മുതൽ മൂസാ നബി صلى الله عليه وسلم യുടെ നിയോഗം വരെയും; മൂസാ നബിയുടെ നിയോഗം മുതൽ സുലൈമാൻ നബി صلى الله عليه وسلم യുടെ രാജഭരണം വരെയും; സുലൈമാൻ നബിയുടെ ഭരണം മുതൽ ഈസാ നബി صلى الله عليه وسلم യുടെ നിയോഗം വരെയും; ഈസാ നബിയുടെ നിയോഗം മുതൽ നമ്മുടെ പുണ്യ പ്രവാചകൻ صلى الله عليه وسلم യുടെ നിയോഗം വരെയും ചരിത്രം കണക്കാക്കി പോന്നു.
എന്നാൽ ഇസ്മാഈൽ നബിയുടെ പരമ്പരയിലുള്ളവർ (അറബികൾ) ഇബ്രാഹീം നബിയുടെ തീ സംഭവം മുതൽ ഇബ്രാഹീം നബിയും ഇസ്മാഈൽ നബിയും ചേർന്ന് കഅ്ബാലയം (ബൈത്തുല്ലാഹ്) നിർമ്മിച്ചതു വരെയുള്ള കാലം കണക്കാക്കി. കഅ്ബ നിർമ്മാണത്തിന് ശേഷം മഅ്ദ് ഗോത്രം വിവിധയിടങ്ങളിലേക്ക് പിരിഞ്ഞുപോകുന്നതു വരെ അത് തുടർന്നു. പിന്നീട് തിഹാമയിൽ നിന്ന് ഓരോ ജനവിഭാഗം പുറത്തുപോകുമ്പോഴും അവരുടെ പുറപ്പാടിനെ അടിസ്ഥാനമാക്കി അവർ തീയതി നിശ്ചയിച്ചു.
പിന്നീട് കഅ്ബ് ബ്നു ലുഅയ്യ് മരണപ്പെട്ടപ്പോൾ അദ്ദേഹത്തിന്റെ മരണം മുതൽ ആനക്കലഹം (അസ്ഹാബുൽ ഫീലിന്റെ സംഭവം) വരെ ആ മരണത്തെ അടിസ്ഥാനമാക്കി കാലം എണ്ണി. പിന്നീട് ആനക്കലഹ സംഭവം നടന്ന വർഷം (ആമുൽ ഫീൽ) മുതൽ ഉമർ ബ്നുൽ ഖത്താബ് (റളിയല്ലാഹു അൻഹു) ഹിജ്റ വർഷം നിശ്ചയിക്കുന്നത് വരെ ആനക്കലഹത്തെ അടിസ്ഥാനമാക്കിയായിരുന്നു ചരിത്രം കണക്കാക്കിയിരുന്നത്. ഇത് ഹിജ്റ 17-ാം വർഷത്തിലോ 18-ാം വർഷത്തിലോ ആയിരുന്നു."
കാലഗണനയുടെയും ചരിത്രരചനയുടെയും പ്രാധാന്യം വിളിച്ചോതുന്നതാണ് ഇസ്ലാമിക ഹിജ്റ കലണ്ടറിന്റെ പശ്ചാത്തലം. വെറുമൊരു വർഷമാറ്റത്തിനപ്പുറം, സത്യവും അസത്യവും തമ്മിൽ വേർതിരിഞ്ഞ ഹിജ്റയുടെ ഓർമ്മ പുതുക്കലും, മുൻകാല പ്രവാചകന്മാരിലൂടെ അല്ലാഹു മാനവരാശിക്ക് നൽകിയ ദൃഷ്ടാന്തങ്ങളുടെ തുടർച്ചയുമാണ് ഓരോ പുതുവർഷവും നമ്മെ ഓർമ്മിപ്പിക്കുന്നത്.
നാഥാ, കടന്നുപോയ വർഷങ്ങളിൽ ഞങ്ങളിൽ നിന്നുണ്ടായ വീഴ്ചകളും പാപങ്ങളും നീ പൊറുത്തുതരേണമേ. ആരംഭിച്ച ഈ പുതുവർഷത്തെ ഇബാദത്തുകൾ (ആരാധനകൾ) കൊണ്ടും സൽക്കർമ്മങ്ങൾ കൊണ്ടും ധന്യമാക്കാൻ ഞങ്ങൾക്ക് തൗഫീഖ് നൽകണമേ. ഈ മുഹർറം മാസത്തിൽ ഞങ്ങൾ നിർവ്വഹിക്കുന്ന ദിക്റുകളും ദുആകളും എഴുത്തുകളും നീ സ്വീകരിക്കുകയും, വരാനിരിക്കുന്ന എല്ലാവിധ ആപത്തുകളിൽ നിന്നും പ്രയാസങ്ങളിൽ നിന്നും ഞങ്ങളെയും ഞങ്ങളുടെ കുടുംബങ്ങളെയും കാത്തുരക്ഷിക്കുകയും ചെയ്യണമേ... ആമീൻ,
ഇത് മറ്റുള്ളവര്ക്ക് ഫോര്വേഡ് ചെയ്ത് പ്രതിഫലത്തില് പങ്കാളിയാവുക!
നിങ്ങളുടെ പ്രാര്ഥനയില് ഈ വിനീതനെ യും ഇത് മെനെക്കിട്ട് ഇരുന്ന് വായിക്കുന്ന വരെയും ഫോര്വേഡ് ചെയ്യുന്നവരെയും
നമ്മുടെ മാതാപിതാക്കളെയും ഉള്പ്പെടു ത്തുക!
സന്ദര്ശിക്കുക! www.islamkerala.com
സി പി അബ്ദുല്ല ചെരുമ്പ
9400534861
